Belgiamiut angalatuut Qalasersuaq itivinnialerpaat

Belgiamiut marluk Issittumut kuussaanngitsut Qalasersuaq itivinnialerpaat, ilisimatusarnermi nalunaarsukkanik itivinnerminni katersiniarput, silallu pissusiata allanngornera paasisassarsiorfiginiarlugu. Nutaarsiassaqartitsivik BBC News taama ilisimatitsivoq.

Belgiamiut taakku marluk, Alain Hubert og Dixie Danscercoer, marsip ulluisa aallaqaataanni aallassamaarput. Sibiamiit immap sikuatigoorlutik Kalaallit Nunaannut ingerlaassapput. Kalaallit Nunaata kujaterpiaanut juunimi anngunnissartik ilimagaat.

Angalatuut taakku marluk 4.300 kilometeri angalassavaat, ilimagaallu ulluni 110-ni angalanertik naammassisinnaassallugu.

Sisoraatinik ingerlaarniarput, nerisassatik atortussatillu qamutiniitinniarlugit.

Issittumut nunarsuaq tamakkerlugu ukiorititaq marsip ulluisa aallaqaataanni aallartittussaavoq, tassalu ulloq taanna angatutt aallarfissaat. Angalatuut ilisimatusarnermut nalunaarsukkanik assigiinngitsunik aqqumminni uuttortaallutillu paasissutissanik katersiniarput, Avataarsualiarnernut Europamiut Suliniaqatigiiffiannut, ESA-mut, tamakku tunniunniarlugit. Belgiamiut angalanerat internetikkut malinnaavigineqarsinnaassaaq.