Beirutip mittarfia qaartartumeeqqinneqarpoq
Allattoq Mads Lynge
Kangiani Qiterlermi suli akersuuttoqarpoq,
Libanonimi Beirutip mittarfia Israelimiunit kingumut saassunneqarmat.
Takunnittut isumannaallisaanermilu suliallit taama oqarput.
Nunatta nalunaaqutaa naapertorlugu ullaq arfinernut mittarfik qaartartumeerneqarpoq, paasissutissalli kingulliit malissagaanni ikiligaasoqarsimanngilaq.
Mittarfik akunnerit 24-t ingerlanerini pingajussaa saassunneqarpoq. Libanon-i silaannakkut immakkullu Israelimiunit ippassaq assersorneqarpoq, Beirutillu Syriallu iloqarfiisa pingaanersaat Damaskusip akornanni aqqut pingaarnersaat qaartartumeeerlugu.