BBC Ilulissanut immiussiartortoq
Ilulissani ataasinngornerup unnukkuani arsaattunik isiginnaariartussat BBC-mut piviusulersaarummut immiunneqassapput
Ukiukkut silami isikkamik arsaanneq immiukkiartorlugu filmiliortartut tuluit nunaanneersut Ilulissaniipput. Taakku Nagdlunguaq 48 malinnaavigissallugu.
Unammineq BBC-p piviusulersaarutaani "Earth from space" - Nunarsuaq avataarsuanit - aallakaatinneqassaaq.
Unamminermut isiginnaarianik piviusulersaarusiortut immiussisinnaanissartik neriuutigaat. Taakku facebookimi quppernermi "I love Ilulissat"nut aamma allapput.
Arsaanneq arfineq-pingasunut aallartissaaq, "oqorsarluarlunilu qaammartartulerluni isiginnaariartoqarsinnaasoq" kaammattuutigineqarpoq.