Barentimi piiaavissaq toqqangajalerpaat

Ruslandimi aatsitassanik nukissiuutaasinnaasunik nassaarnissaq neriuutigineqarpoq, soorlu Kalaallit Nunaanni aamma taamaattoq.

Ruslandimi nukissiorfimmi, pisortanit pigineqartumi, Gazpromimi, siulersuisut, Sibiriap avannaani naggueqatitta najugaqarfiisa eqqaani, Barentip imartaani, uuliasiorfiit gassinillu piiaaviit sorliit gassimik piiaassanersut toqqangajaleraat,

Ruslandimi nutaarsiassaqartitsivikk, RNA, nalunaarpoq.

Barentip imartaani gassi 3,2 trillion kubikmeterisut annertutigissasoq eqqoriarneqarpoq.

Gassip piiarneqarnissaa akikitsuinnaassanngilaq. Gassimik piiaanissaq 70 milliard koruunit missaanni naleqassangatinneqarpoq. Taamaammat Gazpromimi siulersuisut nunarsuarmi uuliasiorferujussuit, soorlu Norsk Hydro, Statoil, Chevron aamma Total maanna isumaqatiginninniarfigaat.

Gazpromimi siulersuisut suleqatissaminnik qanittukkut toqqaassapput, gassimillu piiaanissaq 2011-imi aallartissasoq ilimagineqarpoq.