Barack Obama nersornaaserneqartussanngorpoq
Nobelip eqqissinermut nersornaasiuttagaanik amerikamiut præsidentiat Barack Obama ukiormanna nersornaaserneqassaaq.
Nersornaaserneqartussap kinaanera Oslomi pisortatigoortumik ullaaq saqqummiunneqarpoq.
Nobelip nersornaasiuttagaanik nersornaaserneqartussanik aalajangiisartut aalajangerput, USA-p præsidentia Barack Obama Nobelip eqqissinermut nersornaasiuttagaanik nersornaaserneqassasoq, nersornaasiinermi 7,2 millioni koruunit tunniunneqassapput.
Barack Obamap, nunat tamat akornanni immikkut ittumik attaveqarnermik suliniuteqarnera, inuiaallu assigiinngitsut akornanni suleqatigiinnerup nukittorsarneqarneranut suliniuteqarnera pillugu nersornaaserneqarnissaa aalajangiunneqarpoq.