Barack Obama europamiunik siuleqarsimavoq

Tysklandimut tikeraarneranut atatillugu amerikamiut kinguariit pillugit ilisimatuuisa paasissutissat saqqummersippaat, takutitsisut Obama tyskinik siuleqartoq. Barack Obamap aataqqeeqqeeqqeerisimasaa tassaasimavoq angut 1729-imi Stuttgartip avannannguani nunaqarfeeqqami Besigheim-imi inuusimasoq ateqarluni Johann Conrad Wölfin. Taassuma kinguliani Wölfin kingusinnerusukkut Wolfey-nngorlugu allanngortissimavaa.

Paasissutissat sapaatip akunnera kingulleq saqqummiunneqartut USA-imi kinguaariit pillugit ilisimatusartunit genealogiske portal, Ancestry.com-imeersuupput. Taakkuuppullu aamma siusinnerusukkut 2007-imi paasissutissanik Obamap qernertormiumik ataataqarluni qaamasumik anaanaqartup qanoq ililluni Irland-imiunik siuleqarneranik saqqummiussisut.

Paasissutissat nutaat paasinarsisippaat Obamap tyskinik siuleqarnera aallaaveqartoq Johann Conrad Wölfin-ip 1750-ikkunni umiarsuarmi Patience-imik taaguutilimmik ilaalluni amerikamut nunasisimaneranik. Wölfin Pennsylvaniamut nunasisimavoq kingorna kinguliani amerikamiorpalaartunngorlugu Wolfey-imik allanngortissimallugu. Barack Obamap anaanaa Stanley Anne Dunhan, Tysklandimiit, Irlandimiit, Frankrigimiit Hollandimiillu kingoqqisuuvoq.