BankNordik namminerisaminik illutaarpoq
- Kalaallit Nunaanni atuisunik sullissinerput nukittorsarusupparput. Aamma immikkoortortaqarfinnik marlunnik matusinissaq atuisunut sullissinermut akornusiissanngilaq, Bjartur Nolsøe, immikkoortortaqarfimmi pisortaq oqarpoq.
Immikkoortortaqarfinnik ikilisaaneq atuisunut suliffeqarfinnullu mikinerusunut sullissinissamik siunertamut sutigut naapertuukkami?
- Atuisartut immikkoortortaqarfinnik pisariaqartitsinerat annikilliartortoq takusinnaavarput, tassa kortinik internettimillu atuineq annertusiartortillugu sullinneqarnissamik pisariaqartitsineq annikilliartorami, taamaattumik Ilulissani misilittakkat aallaavigalugit isumaqarpugut pitsaasumik sullissilluarsinnaalluta, Bjartur Nolsøe oqarpoq.
Sisimiuni immikkoortortaqarfimmi sulisut pingasut ilaat Nuummi qitiusumik allattoqarfimmut nuummissamik neqeroorfigineqarsimasut Bjartur Nolsøep ilanngullugu oqaatigaa.
Sisimiuni Ilulissanilu immikkoortortaqarfiit maajip aallaqqaataani matussapput. Ilulissani immikkoortortaqarfik ukiuni kingullerni marlunni qaammammut sapaatip akunnera ammatinneqartarpoq, Sisimiunilu immikkoortortaqarfik ullut tamaasa ammasarluni.
