Bankinik annaassiniartoqarsinnaanngorpoq
Naalakkersuisut aningaaserivinnik annaassiniarlutik siunnersuutaat ullumikkut Folketingimi 117-init akuerineqarpoq, marluk akerliusut ataaserlu taaseqataanani.
Allattoq Mads Lynge
oktobarip 10-at 2008 16:22
Aningaaserivinnik annaassiniarnermi aningaaseriviit nammineerlutik 35 milliardit koruuninik aningaaserivinnut ajornartorsiortunut piareersimatitsissapput, taakkulu naammanngippata naalagaaffik matussusiinissaminut piareersimassaq, taamaalilluni aningaaserivinnut tatiginninneq innarlerneqannginniassammat.
Taasineq ajornartorsiorfiuleraluarpoq, tassa Liberal Alliancemeersup Naser Khaderip taasisitsinermi toorniakkani kukkulluni toorsimagamiuk taamalu taaseqataanngitsutut taasilluni. Taamaattumik taasinerup kingornagut taaseqataanngitsut marluugaluartut ataasiinnanngortinneqarpoq.
Inatsisartut aningaaserivinnik annaassiniarnissaq ippassarli akuersissutigereerpaat.
