Ban Ki-moon Burmamut
Burmami kiattup anorersuarsuarnerata kingunerisaanik ajunaarnersuaqareersoq amigavissumik maannamut ikiuiniartoqarpoq.
Allattoq Najaaraq Egede
Naalagaaffiit Peqatigiit generalsekretæriat Ban Ki-moon oqartussat iliuuseqaqquniarlugit Burmamut ullualunnguit qaangiuppata tikeraassaaq.
Tikeraarneq pisussanngorpoq Burmami sakkutuut naalakkersuisuusut Naalagaaffiit Peqatigiit saaffiginnissutaannik tusaanngitsuusaareersullu.
Allaat oqarasuaatikkut Ban Ki-moonip oqartussanik oqaluussiniarnerigalua iluatsissimanngilaq. Tikeraarnissaali akuerineqarpoq.
Naatsorsuutigineqarpoq Burmami inuit 2,5 millionit tuaviornerpaamik ikiortariaqartuusut.