Ballettertartut silarsuarmi pitsaanerpaat ilaat Nunatsinnukalersut
Silarsuarmi meeqqat inuussutissarsiutigalugu ballettertartoqatigiit kisiartaat Nunatsinnukassapput, ilaatigullu workshoppertitsillutillu balletteriaatsimik Bournonvillemik isiginnaartitsissallutik. Qiteriaaseq taanna danskimut August Bournonvillemut atsiussaavoq.
Kompagni B, Nunatsinni meeqqanik inuusuttuaqqanillu naapitaqannginnerminni, angalanerpassuaminni Italiami, USA-mi Tysklandimilu inuusuttunik naapitaqarsimapput.
Kompagni B-miut Nunatsinnut tikeraarnerminnut atatillugu ballettertarneq meeqqanut inuusuttunullu ilisaritinniarpaat Bournonvillellu suliai, soorlu Napoli, Blomsterfesten i Genzano og Et Folkesagn takutitsissutigissavaat.
Kompagni B Nuummut marsip 19-iani tikissapput, kulturikkullu illorsuarmi Katuami workshoppertitsillutillu isiginnaartitsissallutik. Kompagni B 23-iani Sisimiunut ingerlaqqissapput, tassanilu kulturikkut illorsuarmi Taseralimmi sammisaqartitsissallutik.
Meeqqat inuusuttullu paarlaasseqatigiittarnerannut atatillugu taamatut angalasoqarpoq, taamaammat aamma Kompagni B-miut nunarsuarmi qeqertat annersaanni meeraaneq inuusuttuunerlu misigisaqarfigissavaat. Det Kongelige Balletip meerartai siullerpaamik Nunatsinni isiginnaartitsissapput.
