Ballet-imik isiginnaartitsilerput

Danmark-imi isiginnaartitsisarfimmi Det kongelige Teaters balletkorps-imi ballet-imik qitittartut siullermeerlutik nunatsinnut ualimut tikissapput. Ballet-imik qitittartut 18-it suleqataallu nunani avannarlermi angalanertik aallartissavaat, sapaatip akunneratalu uumap ingerlanerani savalimmiuni isiginnaartitsissallutik.

Aqagu kultur-ikkut illorsuarmi Katuaq-mi qitillutik isiginnaartitsigunik, ballet-imik qitittariaaaseq qangatoortoq nutaajunerusorlu takutissavaat, siullermeerlutik naalaagaafeqatigiinerup iluani allamut aallarlutik isiginnaartitsissallutik.

Danmark-ip inuiattut isiginnaartitsisarfianeersuuvugut, taamaattumillu savalimmiut kalallillu nunaat tikillugit qitittartunik qittarinnerpaanik takutitsigutta inuiattut isiginnaartitsisarfik isummaminut eqquutilissaaq ballet-ertartut ittuat balletmester Frank Andersen oqarpoq. Ballet-imik qitittariaatsimik ilisimaarinninngitsunut takutitsinissarput qilanaaraarput, Frank Andersen qilanaaqaluni oqarpoq.

Aqagu katuami takutinneqartussat tassaapput, ”Blomsterfesten i Genzano” Tredje akt af Napoli”.

Isiginnartitsissutigineqartussat taakkua pisortatigoortumik nalliuttorsiornerni, soorlu Dronning-ip nalliunerani takutinneqartarsimapput, tusaamaasaallutillu.