Balimi sialussuarpoq
Silagitsikkusukkukku makku atorneqassapput, qeerlutuut mannii, kukkukuuaraq uutaq, naatitat nunani kiattuneersut, naasut taavalu tipigissaatit ikillugit pujortinneqarsinnaasut, tassa røgelse, pujuannik taakku pujoorfigineqassapput. Akussat taakku tamarmik hindut naalaffeeraannut inissinneqassapput, inissereerukkillu iluunngarlutit qinussaatit. Taamaalioruit ulloq taanna taava siallissanngilaq.
Balimi naalaffissuit ilaanni qanganitsami sulisoq, Made Resan, taama oqarpoq, Naalagaaffiit Peqatigiit sila pillugu Balimi ataatsimeersuartoqarnerani taanna siallertitsinaversaaraluarpoq, iluatsitsinanili.
Kiattup sialussuanik ataasinngormat ullaakkut sialussuarmat utoqqatsissutigineqarpoq, angakkoq taanna suli takkussimanngimmat taama pisoqartoq.
Ippassaq ualikkut suli sakkortunerusumik sialussuarnera angakkup nassuiaatissaqartinnginerarpaa.
Ataatsimeersuartunigooq assortuuttoqarnera pillugu nukinnik eqqumiitsunik immaqa peqarsimasoq?
Taamaattoqarsimasinnaanera Naalagaaffiit Peqatigiinni ataatsimeersuartut akuersaarsinnaanerarpaat.
USA qulartullu allat oqallisileruttortut sialussuaq takkussimavoq.
Ippassarli siallernera ataatsimeersuartut amerlanersaasa iluaraat, tassami silaannarissivoq, kiappallaarunnaarluni.
Isumaqatigiinniartut akornanni assortuuppallaarunnaarnissaq kisimi maanna amigaataalerpoq.
