Bagger millionerpaalunnik immikkoortitsisarsimavoq
Akiliisinnaajunnaaqqammersumi, IT Factory-mi, akiliisinnaajunnaartut pigisaannik nalilersuititaasup maanna oqaatigaa, peqquserluuteqarsimasutut pasisaq, Stein Bagger, millionerpaalunnik nammineq pisassaminik immikkoortitsisarsimasoq, TV2-Nyhederne taama ilisimatitsipput.
Pigisanik nalilersuititaasup, Boris Frederiksenip, oqaatigaa, Stein Baggerip imminut pisassanngortittarsimasai millionerpassuusut.
Aningaasat nunani allani aningaaserivinnut inissinneqartarsimapput. Maannalu aningaasat nunani allani aningaaserivinniittut pissarsiariniarnissaat suliassaasoq angisooq.
IT Factorymi peqquserluuteqarsimasutut pasisaq ulluni arfineq-pingasuni qimarngoreerluni Los Angelesimi politiinut imminut nalunaarutigivoq.
Stein Bagger USA-miit Danmarkimut sapaatip akunneri marluk qaangiutsinnagit tunniunneqassaaq.