Bagdadimi qaartartumeerisoqarmat 62-it toqutaapput
Qaartartut sakkortuut pingasut, Irakimi illoqarfiit pingaarnersaata Bagdadip qiterpasinnerusortaani, ullumi qaartinneqarmata, ikinnerpaamik 62-it toqutaapput 105-illu ikilerneqarlutik, Irakimi politiit taama nalunaarput.
Allattoq Elisa Isaksen
Qaartitsinerit pingasut taakku, tulleriiaaginnarmik qaartinneqarput, februaarimilu qinersisoqarnissaa sioqqullugu nakuusernerup annertusineqarnissaanut ernumanermut ilasaataallutik.
Qaartartumeerisarnerit qaammatini kingullerni marlunni ikiliartorsimagaluarput, aamma novembarimi sakkutuujunngitsut toqutaasut, Amerikamiut 2003-mili Irakimut isaammatali, aatsaat taamak ikitsigisimagaluarput.
Kisianni al-Qaidamik illersuisut aamma Saddam Husseinip partiianik inerteqqutaasumik illersuisut, Irakimi isumannaallisaanermut akornusersuisuusut, Ritzauimit allaaserineqarpoq.