Bagdadimi qaartartumeerisoqarmat 15-it toqunneqarput

Imminut pilliutigaluni qaartartumeerisoqarmat, qaartartorlu biilimiittoq aamma qaarmat, Irakip illoqarfiisa pingaarnersaanni, Bagdadimi, inuit ikinnerpaamik 15-it toqunneqarput, 45-llu ikiligaallutik, nutaarsiassaqartitsivimmi Ritzauimi allaaserineqarpoq.
Allattoq Louise M. Kleemann
decembarip 01-at 2008 12:50

Qaartartut malisungaannarlutik qaartut Bagdadimi politiinngorniat atuarfiata eqqaani qaartussanngortinneqarsimapput, atuarfik taanna Bagdadip illoqarfiata qeqqaniippoq.

Imminut pilliutigaluni qaartitsisoq atuarfiup isaariaata eqqannguani qaartitsivoq, biililu tamaani inissisimasoq kinguninngua qaarpoq.

Saassussinermi eqqugaasut tassaapput sakkutuujunngitsut politiinngornialerlaallu inuusuttut.

Qaartartoq aqquserngup sinaanut inissinneqarsimasoq qaarmat irakimiu sakkutooq nuimasoq eqqorneqarpoq, ikiligaalluni, taama pisoqariitsiartorlu qaartartut marluk eqqartukkavut qaarput.

Nutaarsiassaqartitsivimmit Ritzauimit ungasinngitsukkut nalunaarutigineqarpoq, Irakimi illoqarfinni arlalinni qaartartumeerisoqarsimasoq, inuillu ikinnerpaamik 30-t toqunneqarsimasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq