Bagdad-imi qaartartumeerisoqarmat inuit 26-it toqutaapput
Ullaap tungaa Bagdad-imi atuagaarniarfiup eqqaani biilertoq biilimini imminuujutigaluni qaartitsinermigut inuit 26 toqussimavai, inuillu 50-it sinneqartut ikilertiterlugit. Taama paasissutissiipput Politiit.
Ullut pingasut ingerlaneranni Bagdad-imi qaartartumeerinerit sakkortuut siullersaraat, atuagaarniarfiup eqqaanit pujorsuaq qernertuinaq qummuinnaq pujortoq takuneqarsinnaasimavoq, irak-imiut silassorissortaasa qaartitsiffiusoq nunarsuarmi atuagassiaqarnikkut pingaarnerpaat ilaattut naatsorsuutaraat.
Arnat meeqqallu ikiligaasunut ilaasut sillimaniarnikkut oqartussaasut oqaatigaat, putsup pujoralatallip muslimit oqaluffissuata qalia uleruttoraa.
Qaartitsineq pivoq, naak amerikamiut irak-imiullu sakkutuui 90.000-it illoqarfiit pingaarnersaanni isumannaallisaaniarlutik ulappuseruttorfianni.
Akersuunnerit sapaatit akunneri marluk matuma siornali aallartimmata, pikitsitsiniat sunnimuslimiusut kiisalu shiamuslimiusut sakkulersorsimasut eqqissisitsiniarnermi akiorneqalerput.
