B-vitamini iviangikkut kræfteqarnissamut affaannanngortitsisoq

Vitamiini B folinsyre, iviangitigut kræfteqalernissamik affaannanngortitsisartoq, Sverigemi misissuinersuup takutippaa.

Arnat 50-inik ukioqalereersimasut 12.000-t ukiuni qulini malittarineqarsimapput, taama aviisi Dagens Nyheter allappoq.

Piffissami misissorneqarfimminni arnat ilaat 392-t iviangimikkut kræfteqalerput. Misissuinerullu Lundimi Universitetimit ingerlanneqartup paasinarsisippaa arnat folinsyretortartut kræfteqalernissaat 44 procentimik milleriartarsimasoq.

Misissuinersuup inerneri Amerikami peqqinnissamut tunngasunik atuagassiami American Journal of Clinical Nutritionimi allaaserineqarput.

Sverigemi oqartussat eqqarsaatigileruttorpaat qajuusat folinsyremik akuneqartalissanersut, taamali pinissaq assortuuffiusimaqaaq, ukiunilu arlalinni ingerlareerluni. Naartuut folinsyretortarnissaannik siunnersorneqartareerput.

Uparuartuisulli oqarput, folinsyre kræfteqalissutaasinnaasoq, pingaartumik aqajaqqup sanilequtaatigut.