Per B: Nukissiuuteqarnikkut aningaasartuutit Nunatta Karsiata kisimi nammassinnaanngilai

Nukissiorfiit taamaalillutik aktieselskabinngoriataarsinnaapput.

- Apeqqummi tamatumani naapiffeqarnissarput pingaarluinnarpoq, nukissiuuteqarnikkut aningaasartuuteqartussaagatta, Nunatta Karsiata kisimi nammassinnaanngisaanik, Per Berthelsen oqarpoq:

- Landskarsip taarsigassiisutut inissisimanera atorunnaarsinneqarsinnaammat,

taamaalillunilu ammaassisoqarluni avataaninngaanniit taarsigassarsinikkut landskarsitta tigussaasunik ooriuteqarluarnissaata qulakkeernissaa. Ingammik massakkut nunarsuaq tamakkerlugu aningaasaqarniarnikkut ajalasoornerup nalaani, pingaartorujussuuvoq sillimmateqarnissarput.

- Alcoa massakkorpiaq oqimaatsorujussuartut inissisimajunnaarpoq, siusinnerusukkut 340-360 mio koruuninik ukiup tulliani aningaasaliinissaraluaq affaa ataallugu inissinneqarsinnaanngortutut isikkoqalerpoq, tassa 90 mio koruunit ataallugit inissisimassasoq

, taamaalilluni tamakkiisumik aningaasaqarniarnikkut isigalugu illersorneqarsinnaalluni.

Aningaasartuutiviittut taasariaqartut iluini sipaarutissat ukiumut 170 mio koruunit tunngavigalugit isertitat aningaasartuutillu imminnut oqimaaqatigiittunngorsarnissaani nassaarivara, taamaalilluni ukiut tulliuttut sisamat iluini aningaasartuutiviit aallaavigalugit aningaasanik inatsisissaq isertitatigut aammalu aningaasartuutitigut oqimaaqatigiissoq saqqummiutissavara, aningaasanut naalakkersuisoq Per Berthelsen taama oqarpoq.