B-67 Nunatsinni pissartanngorpoq
U-18-it Nunatsinni isikkamik arsaallutik pissartanngorniunnerini peqataasut sinneri marluk tassaapput GSS normu 4-nngortut FC Malamullu normu 5-inngortut. Ukiormanna ilungersullaqqinnerpaatut toqqarneqarpoq Massa Davidsen Malamummeersoq, ukiormanna teknikkigissaarnerpaatut Minik Willumsen K-33-meersoq toqqarneqarluni kiisalu Søren Kreutzmann Kâgssagssummeersoq ukiormanna arsallaqqinnerpaatut toqqarneqarluni.
Pissartanngorniunnerit naammassineqarmata ukiormanna holdiliortoqarpoq: Tassaappullu:
Målmandi Brian Kleist K-33-meersoq, forsvariullutik Patrick Larsen, K-33, Julian Olsen, B-67 aamma Ilannguaq Petersen GSS-imeersoq. Midtbaniupput Lars Erik Reimer B-67, Søren Kreutzmann Kâgssagssuk, Ari Hermann B-67 aamma Niklas Thorleifsen B-67-imeersoq. Angrebimiippullu Aqqaloraq Lund K-33, Nikolaj S. Nielsen Kâgssagssuk aamma Kunuuteeraq Isaksen K-33-meersoq.