Angutit isikkamik arsaallutik nunatsinni pissartanngorniunnerat ippassaq aallartippoq.
Kulusummeersut TM-62 aamma Kujataani Tasiusameersut Eqaluk 54 siulliullutik ippassaq unammipput, TM-62 marloraarlutik tassani ajugaapput Eqaluk 54 susaartut, tullinnguullutik unammipput B-67 Nuummeersut aamma Malamuk Uummannameersut, tassani B-67 sisamaraarluni ajugaavoq, Malamukkut susaartut.
Sialussuaraluaqisoq anorlingaatsiaraluaqisorlu unamminerit ingerlanneqarput, Kalaallit Nunaannili isikkamik arsaatartut sungiusaasuata, Jens Tang Olsenip, ippassaq unamminerit marluk naammassineqarsinnaanerat nuannaarutigaa, oqarluni, holdit tamarmik pisarnertut arsaalluaqisut.
- Naak silarlukkaluaqisoq unammisut arsaalluaqaat, arlalinnillu kusanaqisunik isertitsisoqarpoq, taamaattumik oqarsinnaavunga Coca-Cola GM ukioq-manna aallartilluaqaaq, Jens Tang Olsen oqarpoq.
Unamminerit sisamat ullumikkut ingerlanneqartussat tassaapput siullermik nalunaaqutaq ataatsimut Nuup arsaattarfiani unammisussat siulliit tassaapput TM-62 Kulusummeersut unammissavaat Kagssagssuk, Maniitsoq kingorna tassa nalunaaqutaq pingasunut unammissapput Kugsak 45 Qasigiannguit Malamullu Uummannameersoq. Kalaallit nunaanni arsattartut kattuffiata pilersaarusiaani takuneqarsinnaavoq ualeru nalunaaqutaq tallimanut ammaanersiortoqartussaasoq, tamatumalu kingorna tassa arfinernut qiteqquppat unammissapput B-67 Nuuk unammissalugit K-33 Qaqortumeersoq.
Unnugu arfineq marlunut unnammisussaapput Ekaluk 54 Tasiusameersut unnammissavaat N-48 nallunnguaq Ilulissat.
Kalaallit nunaanni angutit inersimasut isikkamik arsaallutik pisartanngorniunnerit arfininngornerup aggustip ulluisa aqqarngata tungaanut ingerlanneqassapput, arfininnngorpat 3-inngorniunnerit pissartanngorniutivinnerlu unammissutigineqassammata.
