Kulturi Timersorneq

AWG2016 pillugu nalunaarusiaq kingulleq tunniukkaat

Issittormiut Nuummi unammiuaarnerat Arctic Winter Games 2016 pillugu nalunaarusiaq kingulleq naammassineqaqqammerpoq, timersornerup silarsuaani Kalaallit Nunaanni aaqqissuussinerat annersaat pillugu nalunaarusiortoqaqqammerluni.

Allattoq Mads Lynge

septembarip 08-at 2016 05:37

Arctic Winter Games 2016-imut atatillugu assigiinngitsorpassuartigut periusissanik akunnaannersiuisarnikkut misilittagaqarfiulluartoq, AWG2016-ip nalunaarutigaa.

Unammersuartoqarnerani misilittakkat misissuataarneqarput, nunat tamat akornanni AWG-p kattuffianut naggasiutaasumik nalunaarusiortoqarluni.

Aamma atuaruk AWG-mi aqutsisut sinneqartooruteqarnermut iluarisimaarinnittut

- Kalaallit Nunaanni suliariniakkanut atatillugu, siunissami suliniuteqarnikkut misilittagaqarnerulernissamut piginnaanngorsaanissamullu, uagut suliagut naggaserlugit nalunaarusiornitsigut taperseerusuppugut. Innuttaasut suleqatigiillutik anguniakkanik annertuunik naammassisaqarnissaminnut sapinngitsut, AWG2016-ip naammassineratigut, Nunarput munatut aallaavissarissaarnerulerpoq. Apeqqutaaginnarpoq: Tullianimmita susoqassava? AWG 2016-ip pisortaa Maliina Abelsen oqarpoq.

Nalunaarusiaq "AWG2016 - Siunissami misilittarilikkat" Arctic Winter Games 2016-ip nittartagaani AWG2016.org-mi tamanut saqqummiunneqarpoq.

Aamma atuaruk Issittormiut unammiuaarnerat 2016 aningaasatigut sinneqartoorfiulluartoq