AWG2016-imut tikeraartitsisuusut, Borgmesteri Asii Chemnitz Narup aamma Naalakkersuisoq Nivi Olsen.Assi: AWG2016/Bo Østerberg Kristensen

AWG2016-ip aallartinnissaanut qaammatit marlunngorput

Issittormiut Nuummi unammiuaarnissaannut Arctic Winter Games 2016-imut qaammatit ullumi marluinnanngorput, AWG2016-imi marsip ulluisa arfernanni aallartissaaq, inuit 2000-it sinneqartut Nunatsinni aaqqissuussani maannamut annersaannut tikittussaallutik.

Aaqqissuisut soorunami ulapputileruttorput, assersuutigalugu suliffissatut pilersaarutip suliarineqarnissaa ulapputigineqarluni. Arctic Winter Games 2016-illu pisortaanut tullersortip Arnakkuluk Jo Kleistip maanna oqaatigaa suliffissatut pilersaarut suliarineqarsimalersoq, kajumissutsiminnik suleqataasussat 1700-t missaannittut suliffissaat pilersaarusiorneqarsimalerluni.

Kajumissutsiminnilli suleqataasussanik suli amigaateqartoqartoq aaqqissuisut nalunaarutigaat.

- Asasara innuttaaqat, periarfissaq atorluaruk aaqqissuussarlu immikkuullarissoq akuuffigalugu. Atorfissaqartippatsigit, Kommuneqarfik Sermersuup borgmesteria Asii Chemnitz Narup kajumissaarivoq.

Nammineq kajumissutsimik suleqataaniaraanni ulloq nalunaarfissaq kingulleq tassaavoq januaarip ulluisa 31-at.

Februaarip ulluisa 29-anniit marsip ulluisa 16-iata tungaanut kajumissutsiminnik suleqataasussat pinerluuteqarsimannginnerannik meeqqanillu pinerliisimannginnerannik uppernarsaatinik pissarsiniarnissaq pissutaalluni ulloq nalunaarfissaq kingulleq tassaavoq januaarip 31-at.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat