Assi: AWG2016

AWG-sertoqarnissaanut isumalluartoqaqaaq

Fairbanks-imi AWG 2014 ingerlanneqarmat 60-inik medaljenappugut. Amerlanerusunik pissarsisinnaanissaq ukiormanna suli isumalluarfigaarput.

Kalaallit Nunaanni Timersoqatigiit Katuffiata, Elite Sport Greenlandilu AWG 2016-eqarnissamut qilanaarput, nunattalu angusaqarluarnissaa ukiormanna aamma neriuutigalugu. AWG 2016 aaqqissuussassaq  imaannaanngitsoq, timersortartut akornanni inuusuttortattalu peqataaffigisassaat isumalluarfigineqaaqaaq.

- Fairbanks-imi AWG 2014 ingerlanneqarmat medaljenik 60-inik pissarsivugut. Soorlu ukiormanna pisussami suli amerlanerusunik pissarsisinnaanissaq isumalluaatigisinnaagipput, GIF-imi allattaaneq, Carsten Olsen oqarpoq.
Timersornikkut suliniaqatigiiffinnit marluusunit misigisaqarluarnissap saniatigut neriuutigineqarpoq, peqataasut amerlasuut AWG 2016 ineriartoqqinnissamut, inuunermilu anguniagassanik nutaanik naleralersuinissamut aallariarfissatut atorumaaraat.

Læs også AWG2016-imi kajumissutsiminnik suleqataasussat pikkorissartinneqalersut

- Kalaallit Nunaanni Timersoqatigiit Katuffiat Elite sport Greenlandilu ataatsimoorlutik neriupput kissaassillutillu inuussuttut timersortartuutitta, sungiusaasartutta siuttuusullu sulisuttalu sulilluarnertik ingerlatiinnarumaaraat. Anguniakkat nutaat amerlanerusullu angujumallugit, taamak iliornikkut timersornermik aallutaqartut suli amerlanerusut iluaqusersinnaajumallugit, Kalaallit Nunaanni Timersoqatigiit Kattuffianni siulittaasoq, Nuka Kleemand, Elite Sport Greenland-imilu siulittaasoq, Malik Hegelund Olsen oqarput.

AWG 2016-imi Kalaallit Nunaat 135-inik peqataatitaqassaaq. AWG 2014 Fairbanks-imi ingerlanneqarmat nunarput 107-inik peqataatitaqarpoq. Assersuutitut taaneqarsinnaavoq AWG siullerpaamik Nuummi 2002-mi ingerlanneqarmat nunarput 164-inik peqataatitaqarmat.

Isummersuutit