VIDEO AWG-mut millionerpassuit atorneqartut iluaqutaalluarput
Namminersorlutik Oqartussat 22,3 millionit koruuninik aningaasaliipput, Kommuneqarfik Sermersooq aamma taamatut, aningaasallu sinneri aningaasaliisunit allanik tunniunneqarlutik.
Unammiuaarnernik aaqqissuisuunissaq ukiuni marlunni piareersarneqarpoq suliallu ingerlarnga suleqataasunut tamanut pitsaasuusimavoq.
- Iluatsittoq tassaavoq kommuneqarfik, Namminersorlutik Oqartussat, namminersortut suliffeqarfiit taavalu innuttaasut kajumissutsiminnik sulisoqataasorpassuit, taakkuulluta qanimut suleqatigiilluta kivitseqatigiinnerput pitsaasumik angusaqarfiummat oqarpunga aamma iluatsitsisimalluta. Ilikkagaqaqaagut.
-Ilikkagaqaqaagut aamma suleqatigiisinnaalluta paasigatsigu nuanneqaaq, Asii Chemnitz Narup KNR-imut taama oqarpoq.
Aamma atuaruk Præsident-ip naliliinermini AWG angusarissaartippaa
Ajornartorsiutit tamaasa qaangerluarneqarput - soorlu assersuutigalugu Kangerlussuarmit Nuummut silaannakkut angallassineq sapaatit-akunnerata siuliani anorersuarnera pissutigalugu kinguaattoorfiummat, kajumissutsiminnillu suleqataasut arlallit takkutinngitsoormata.
- Ajornartorsiortitsisimapput, tamakkuali aaqqinneqarnissaat pikkoriffigineqarsimasut maluginiarpakka, Arctic Winter Gamesip nunani tamalaani ataatsimiititaliaani siulittaasoq Jens Brinch taama oqarpoq.
Unammiuaarnernut peqataasut 2.000-it missaanniittut taamaalillutik peqataanertik Nunatsinniinnertillu nuannersumik misigisaqarfigisinnaasimavaat.
- Ujaminnattut pingaarnerpaat tassaavoq inuiaqatigiit kalaallit, uagut suleqatigiinitigut kusanartumik naammassisaqaratta, taanna aamma isumaqarpunga puigornaveersaassagipput, Asii Chemnitz Narup oqarpoq.
Aamma atuaruk Unammiat AWG-mut, Nuummut Nunatsinnullu inuulluaqqusisut
Borgmesterilli innuttaasut nersualaarnerpaavai.
- Ujaminnattut pingaarnerpaat tassaavoq inuiaqatigiit kalaallit, uagut suleqatigiinitigut kusanartumik naammassisaqaratta, taanna aamma isumaqarpunga puigornaveersaassagipput, Asii Chemnitz Narup eqqaassutissiivoq, taama eqqaasitsivoq.
Unammiuaarnernut peqataasut kingulliit Nuummit ippassaq ataasinngornermi aallarput illoqarfiillu pingaarnersaanni pisut nalinginnaasumik ingerlaqqilerput, kajumissutsiminnilli suleqataasut qorsorpaluttunik kavaajallit illoqarfimmi suli takussaalluarput.
