AWG-mi kalaallit aatsaat taamak medalje-natsigipput

Issittumi nunallit timersorlutik pissartanngorniunneranni Arctic Winter Games-imi kalaallit unammeqataasut aatsaat taamak amerlatigisunik medalje-napput, rekordiliillutik.
Allattoq Jaaku Lyberth
marsip 13-at 2010 13:04

Arctic Winter Games siorna ingerlanneqarmat, Kalaallit Nunaannit unammiartortut 46-inik medalje-napput. Ukiormanna unammisoqarnerani kalaallit unammeqataasut 48-inik medalje-nallutik. Arctic Winter Gamesimi unamminerit ullumikkut naggataarneqarput.

Kalaallit Nunaannit unammiartortut 18-inik guldinnapput, sølvit 15-it aamma bronzinnattut 15-iullutik. Nukappiaqqat anginerit isikkammik arsaallutik pissartanngorniutivinneranni Kalaallit unammisartui Albertamut unammineranni 3-2-inik isertitaqarlutik ajugaapput. Unammineq taanna sivitsorneqarpoq, naligiikkamik. sivitsorneqarnerani kalaallit ajugaallutik.

Issittumi nunallit timersorlutik unammiuaarnerat Arctic Winter Games ullumi naammassineqassaaq. Kalaallit Nunaannit unammiartortut aqagu ullaakkut Kangerlussuarmut tikissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq