AWG 2016-ip erinarsuutitut ilisarnaatissaa Small Times Giantsikkormiut suliarissavaat

Issittormiut unammiuaarnissaanni Arctic Winter Games 2016-imi nipilersuut ilisarnaatitut atorneqartussaq nipilersoqatigiinni Small Times Giantsimi nipilersortartunit pingasunit suliarineqassaaq.
Allattoq Laura Aggernæs
apriilip 13-at 2015 05:57
Nutserisoq Apollo Jeremiassen

Taama allaaserisaqarpoq aviisi Nuuk Ugeavis, Arctic Winter Gamesimi kulturikkut pisortaq Ruth Montgomery-Andersen oqaloqatigineqarnera aviisimi issuarneqarluni.

Arctic Winter Gameseqarnissami ilisarnaatitut erinarsuutissamik unammisitsinermi peqataasut quliupput, nipilersuut toqqarneqartoq Miki Jensenimit Jakob Søvndahl Skovaamit Pilunnguaq Løvstrøm Hammekenimillu nipilersuusiarineqarpoq.

AAMMA ATUARUK Arctic Winter Games 2016-ip ilisarnaatissaanik erinarsuusiortuussavit?

Arctic Winter Gamesimi nipilersukkanut ataatsimiititaliami ilaasortat sisamat ilisarnaasiortussatut ajugaasup toqqarneqarneranut aalajangiisuupput. Ataatsimiititaliami ilaasortat tassaapput Laakkuluk Williamson Bathory, Iqaluit, Sarah Beulne, Nunavimmi nunaqarfimmi Puvirnituq-meersoq,  aamma Angu Motzfeldt kiisalu Nina Kretzmann Jørgensen nunatsinneersut.

Arctic Winter Gamesimi nipilersuut ilisarnaat oktobarip qaammataani ukiormanna tusarnaarneqarsinnaajumaarpoq aamma Arctic Winter Games 2016-ip ammarnersiorneqarnerani atorneqassaaq, issittumilu unammiuaarnermi pingaarutilittut ilaassalluni, Ruth Montgomery-Andersen aviisimi Nuuk Ugeavisimi apersorneqarluni taama oqarpoq.

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk