Avisinik nassiussinermut tapit ataannartussanngorunarput

Atuagagdlitit Sermitsiallu sinerissamut nassiussuunneqartarnerannut tapit piffissaq kingullikkut ataannartussangorunarput.

Taamaattorli tapiissutit ikilisikkiartuaarniarneqartut, Demokratit siulittasuat, Per Berthelsen oqarpoq:

- Nunatsinni naqisimaneqarani kiffaanngissuseqarluni oqarsinnaanerup avataatigut siammarterisinnaaneq aamma naqitanngorlutgit oqariartuutinik, akileruminartumik tunngaveqartumik ingerlanneqassasoq pingaaruteqarluinnartuusoq. Taamaattumik ukiu maanna tallimassaa taanna sipaarutiginiarlugu qaqitsisarneq Demokraatilli aallartinngikkallarakkit sakkortoorujussuarmik akerlilertarpara.

Per Berthelsen aamma oqarpoq nassiussinermut tapiissutaajaaniarnermit massakkut tunuartertoqarnera nuanneraluartoq takusinnaagipput ukiuni tullittuni tapiissutinik apparsaanissaq siunnerfigalugu sipaarutissanik oqariartuuteqartoqartoq.

- Oqaatigereersinaavara tamanna uagut akuerisinnaanngilluinnaratsigu. Isumaqarluinnarpugut illersortariaqartoq nunatsinni kialluunniit avisimik pisisinnaanerata akileruminartumik aallaaveqarnissaa, nalunngilarpummi aki una piissagluarpat atuisartumut aki marloriaatinngortussaasoq.

Itisiliinerup qallunaatuuani, Nyhedsmagasinimi, erserpoq, nassiussuinermut tapi 2007-mi 2008-milu millilerneqassasoq 2009-imilu peerneqavissalluni. Itisiliineq nittartakkami tusarnaarsinnaavat ugguuna: knr naggat gl titarneq uingasoq itisiliineq