Aviisiliortut aaqqissuisorlu pinngitsuutitaapput
Berlingske Tidende-mi aviisiliortut marluk, akisussaallunilu aaqqissuisoq, illersornissamut qullersaqarfiup paasiniaasartuinit paasissutissanik isertuussanik ingerlatitseqqissimasutut pinngitsuutitaapput.
Eqqartuussinerup inernera Københavnip eqqartuussiviani, tusagassiorfinnit malinnaaffigineqaqisumik, ullaap tungaa tusarliunneqarpoq.
Aviisiliortut illersuisuat naapertorlugu paasissutissat saqqummiunneqarput kikkut tamat oqartussaaqataanerata aqqani, unnerluussisulli isumaqarlutik aviisiliortut Illersornissamut Qullersaqarfiup paasiniaasartui aamma naalagaaffiup isumannaatsuunissaa innarlersimagaat.
Frank Grevil aviisiliortunut paasissutissanik tunniussisimasutut siusinnerusukkut qaammatini sisamani parnaarussassatut eqqartuunneqareerpoq. Suliap ingerlanneqarneranut aningaasartuutit 62.000 koruuniusut naalagaaffimmit akilerneqassapput.
