Aviaaja Lynge: Ilassinninnerunngilaq

Ilassinninnerunngilaq, Jens Napãtôk'-mit paasitinneqanngilanga ataatsimiinnerusoq, ilisarisimasamik neriartoqatiginninneruvoq, Aviaaja Lynge nunatta eqqartuussiviani killisiorneqarnermini ippassaq oqarpoq.
Allattoq Jokum Nielsen
novembarip 28-at 2007 04:13

Aviaaja Lynge nereqatigiitttarnerit suunerannik killisiorneqartunit siulliulluni naliliisuuvoq, aali taamani naalakkersuisup allattaata Ulrik Josefsenip nammineq nalileruminaatsikkaluarai,Ulrik Josefsenimmi oqarneratut naalakkersuisup nammineq nalilertussaavaa suna ilassinninnerunersoq.

Kaajallaasitaq 1993-imeersoq assiginngitsutigut nassuiarneqarsinnaasoq killisiuinerni Jens Napãtôk-mut iluaqutaasarsimavoq, tassami nereqataasarsimasut nalileruminaatsittarsimavaat nereqataasimanertik ilassinnerunersoq imaluunniit ikinngutitut nereqatigiinnerunersoq.

Aviaaja Lynge Sorlammut siulittaasumut tullersortaasimavoq, Tommy Marølu naalakkersuisuutillugu direktionssekretæriulluni, tamassumalu kingorna Doris Jakobsen-imut ministersekretæriulluni. Allattaanermini ilassinninnermut malitarisassat allanngortinnerini allattaavoq, taamaattumillu ikinngutigiittut nereqatigiinnerit ilassinninnerillu assigiinngissutaannik naliliisinnaasutut isumaqarluni.

Ilassinninnineruppat, taava pisortatigoortumik qaaqqusisoqartarpoq, tassanilu allaqqasarluni suna siunertaanersoq, Aviaaja Lynge killisiorneqarnermini nassuiaavoq. Nereqatigiinnerit peqataaffigisani ilassinninnertut nammineq nalilerusunngilai, ikinngutigiittut nereqatigiinnerummata, Aviaaja Lynge oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq