Avatangiisit

Avataq: Nunatta uranimut politikkia eqqaamasiuk

Qinersinissaaq suaarutigineqaqqammersoq aammattaaq Kalaallit Nunaata uranimut politikkianut tunngavoq. Avatangiisinik illersuiniaqatigiiffiup Avattap qinersisartut eqqaasippai, Naalakkersuisunut siulittaasuugallartup Kim Kielsenip novembarip 28-ianni qinersinissamik nalunaaruteqarnerata aqaguani.
Avattap qinersisartut qinersinerminni Nunatta uranimut politikkia eqqaamaqquaa.
Allattoq Niels Krogh Søndergaard
oktobarip 02-at 2014 18:26
Nutserisoq Erna Lynge

 

- Kalaallit qinersisartut kajumissaarusuppagut naalakkersuisunngortussat tullinnguuttut uranimut naaggaarluinnarneq Kalaallit Nunaanni 1986-imiit atuussimasoq atuutsileqqissangaat isumageqqullugu. Uran tassaavoq pinngortitamut ulorianartupilussuusinnaasoq, Avattap siulittaasua Mikkel Myrup oqarpoq.

 

Pinngortitamik illersuiniaqatigiiffiup Namminersorlutik Oqartussat kajumissaarpai Kuannersuarni pilersaarut pillugu tusarniaanerit unitsikkallaqqullugit.

 

Avataq ilanngullugu allappoq paasititsiniaanermi peqataarusulluni, soorlu qineqqusaartut siuttuisa ilaata Sara Olsvigip kalerriutigisimagaa.

 

Suliniaqatigiiffiit naalakkersuisutiguungitsut allat, Avattap saniatigut tassaasut Vedvarende Energi, Det økologiske Råd aamma NOAH Friends of the Earth Danmarkimiittoq, Avattap oqaaseqaataanik atsioqataasimapput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq