Avatangiisit pinngortitarlu pillugit ukiaru akissarsisitsisoqassaaq

Inuit, suliffeqarfiit kattuffiilluunniit tamatsinnik pinngortitamik avatangiisimillu mianerinnissatsinnik ilisimaarinnilersitsisut, imaluunniit Nunatsinni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit, akissarsititsineq tunniunneqartarpoq.
aggustip 18-at 2009 08:06

Avatangiisinut Pinngortitamullu Nersornaammik 2007-imi tunniussinermi Asilerisut suleqatigiiffillu Sila-Inuk tunineqarput. Nersornaatip Asilerisunut tunniunneqarneranut peqqutigineqarpoq taakku nunatsinni innuttaasunut nalinginnarnut pinngortitamik avatangiisinillu paasinnittaaseq annerulersimmassuk, pinngortitallu paarineqarnissaanik paasititsiniaallutik.

Sila-Inummi suleqatigiit Nunatsinni pinngortitarsuup allanngoriartorneranik kalaallit inuinnaat ilisimasaannik katersisimapput, aaqqissuussaasumillu ilisimalikkat katersorsimallugit, ilisimatusarnermi ilisimasat tunngavigalugit.

2008-mi nersornaat Qaqortumi Arne Kyedimut, nunaqarfimmullu Ilimanamut tunniunneqarpoq. Arne Kyed seqerngup nukinganik innaallagissiorfimmik pilersitsivoq, Ilimanarlu nersorniarneqarpoq innuttaasut nunaqarfimminnik eqqiluisaarnissaq eqqarsaatigalugu ukiumut marloriarlutik saliisarnerat pillugu, arsakoorfinnillu nunaqarfimminni inissitsiterisimallutik.

Kalaallit Nunaanni innuttaasut tamarmik periarfissaqarput inummik, suliffeqarfimmik kattuffimmilluunniit Avatangiisinik Pinngortitamillu Mianerinninneq pillugu ukioq manna ukiumoortumik akissarsisitsinissamut innersuussinissaminnut.

Akissarsitinneqartussatut innersuussutit septembarip ulluisa 15-iat nallertinnagu Avatangiisinik Pinngortitamillu Naalakkersuisoqarfimmut nassiunneqareersimassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq