Avatangiisit pillugit suliniut aallartilerpoq
Nuummi ikuallaavimmi matut ammatinneqassapput nalunaaqutaq 16.00-miit 18.30-ip tungaanut tassanilu innuttaasut periarfissaqarput atoqqitanik ilusilersuinissamut, pinngussanik umiatsiaasaliornissamut aammalu ikuallaavimmut takornariarnissamut.
Assigiinngitsunik suliaqartarfimmi Piorsaavimmi sulisut ilinniartitsisullu atoqqiisarneq iluarsaasarnerlu pillugit saqqummiussiniarput Nuummilu avatangiisit illersorniarlugit biili atulersussaq innuttaasunut takutinneqassaaq.
Illoqarfimmi suliffeqarfiit nalunaaqutuaq 15.00 ataatsimiigiassapput tassanilu ikuallaavik pillugu aamma avatangiisit illersorniarlugit iliuusissanik nassuiaanneqassallutik.
Kommuneqarfik Sermersuumi ukiumoortumik saliinersuaq pissaaq avatangiisit pillugit ulloritinneqartumi juunip tallimaani. Innuttaasut kajumissaarneqarput eqqaminni saleeqqulllugit eqqagassallu angisut ukiuunerani katersat aaneqariaannanngorlugit piareeqqullugit.