Haansi Ortu Sandgreen (qiterlerni saamerleq) Aabili Langelu (qiterlerni talerperleq) avatangiisinut ambassadørinngortinneqarput. Assi: Aabili Lange

Avatangiisinut nersornaasiuttagaq aalisartunut tunniunneqartoq: Qassutit kimmikkaallu katersugaasa ilagigaat

Haansi Ortu Sandgreen Aabili Langelu Ilulissani saliinertik pillugu nersornaaserneqarnerminni tamarmik immikkut 10.000 koruuninik akissarsitinneqarput.

Avatangiisinut naalakkersuisoq Jess Svane Namminersorlutik Oqartussat pinngortitamut avatangiisinullu nersornaasiuttagaat tunniukkiartorlugu sapaatit akunneranni uani Ilulissaniippoq.

Angutit inuusuttut marluk aalisarfimmi aalisarfiullu nunataani aasaq manna saliinissamik suliniuteqartut Haansi Ortu Sandgreen Aabili Langelu nersornaaserneqarput.

- Kajuminneruliinnarpunga taamannak ambassadørinngortinneqarama. Suli suliassanut nukittunerulissallunga, tassami nukissannik tunisivoq taamannak suli piuassuugut, Aabili Lange KNR-imut oqarpoq.

Assi nammineq pigisaq: Aabili Lange. Kimmikkaat qaqitaasa ilagaat.

Taanna suleqatinilu, Haansi Ortu Sandgreen, 10.000 koruuninik aningaasartalinnik nersornaaserneqaqqammerput. Taakku avatangiisinut aamma ambassadørinngortinneqarput.

Torsukattami Ilulissallu saavanni qassutikunik ningittagakunillu katersillutik saliinertik pissutigalugu ambassadørinngortinneqarput.

Kommune aalisakkeriviillu suleqatigalugit ataqatigiissaarisimapput. Aabili Langellu nersornaaserneqarnissani ilimagisimanngilaa.

- Ataqatigiissaarisoqatigami tappeqimmat qaqitarpaalussuagut angerrapput.

- Immami taamaallaat saliinngilagut. Torsukattami Ilulissallu eqqaanni illuaraqarfiit eqqaanni aamma saliivugut. Aamma suli naammassinngilagut. Ilulissat kangianni sikueriarpat aamma saliissaagut, Aabili Lange oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat