Avataarsualiartartoq: Marsiliarusunneruvunga

Avataarsualiartut amerikamiuusut marluk, Niel Armstrongip Buzz Aldrinillu, qaammammut ukiut 40-rpiaat matuma siorna niulerlutik avataarsualiartaatip Apollo 11-ip motoorii qamimmatigik taama nipeqarpoq.
juulip 20-at 2009 11:31

Andreas Mogensen avataarsualiartussatut qallunaani siullersaalluni qanittumi toqqagaavoq, taamaattunngorusunneranullu ukiut 40-t matuma siorna qaammammut nunninneq sunniuteqarsimanersoq aperineqarpoq.

- Sunniuteqarsimaqaaq, Andreas Mogensen oqarpoq. 1969-imi suli inunngorsimanngikkaluarlunga oqaluttuarineqartarnera videomilu takusarsimasakka suliarilerumaakkannik toqqaanissannut angisuumik sunniuteqarsimapput.

Qaammammukarnissaq Andreas Mogensenip takorluugaraa aammali qaammat saneqqutiinnarlugu ulloriarsuarmut Marsimukarnissaq suli pileriginerugaluarlugu. Marsimukartitsinissarli naalakkersuinikkut aalajangerneqaqqaartussaavoq Andreas Mogensinnillu nammineq pisinnaanermini taama aalajangertoqarnissaa qularaa. Taava Qaammammukarnissaq piviusorsiorpalaarneruvoq aammali misigisaassaassaaq nuannerluinnartoq.

Avataarsuani ulloriarsuit ilaanniinnissaq takorluugaraara, tassami inuit aqqaneq-marluinnaat qaammammiissimanerat eqqarsaatigalugu tupinnarluinnassaaq. Qaammammiit nunarsuup imartaasa tungujornerata nuissallu qaqortut isiginnaarnissaat misigerusoqaara, Andreas Mogensen naggasiivoq.

Avataarsualiarnissaminulli suli ukiorpaaluit utaqqeqqaassaaq, tassami aallannginnermini ukiut arlallit suliassaminut sungiusaqqaartussaagami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq