Avataarsualiartaatissaq 2014-imi piariissaaq

USA-p avataarsualiartaatissaa, Orionimik atserneqartoq, amerikamiut avataarsualiartitsisarfiat, NASA, nalunaartoq, tuluit nutaarsiassaqartitsiviat, BBC tusarliussivoq.

Avataarsualiartaatissaq 2014-imi piariissangatinneqarpoq. Inuit Orionimut ilaallutik qaammammukartalernissaat anguniarneqarpoq, teknikkikkullu atortorissaarutit taamanikkut periarfissaqartissappassuk, Marsimut angalasarnissaq aamma anguniarneqassaaq.

Nutaarsiassaqartitsivik BBC naapertorlugu, Orion

5 meterinik silissuseqassaaq 25 tonsillu missaanni oqimaassuseqassalluni. Qaammamut missagaluaruni, avataarsualiartaatip Apollop ukiut 30-t matuma siorna qaammamut qimatai, inunnit aatsaat tikinneqaqqissagaluarput.

Inuit sivisunerusumik qaammammiittalernissaat, Marsillu tungaanut angalanermi qaammatip akunnittarfittut atorneqarsinnaaneranik misissuinissaq, Orionip qaammammukartittalerneratigut neriuutigineqarpoq.

Avataarsualiartartut arfinillit Orionimi inissaqassapput.