Kattunneq unnuaq 02.06, tassa uagut nalunaaqutarput malillugu, pivoq, Portugalip kitaatungaani Atlantikup imartaaniit 346 kilometerinik ungasitsigisumi. Nutaarsiassaqartitsivimmi Ritzauimi tamanna allaaserineqarpoq.
Avataarsualiartartut arfinillit Endeavourimiipput, modulillu kingulliit marluk ISS-imut ikkutassat nassarpaat. Modulit taakku avataarsualiartartut ikkussussavaat, Endeavour ullut qulingiluat qaangiuppata utimut aallartinnagu avataarsualiartut pilersaarutit malillugit pingasoriarlutik angalaassapput.
Katillugit tallimariarluni avataarsualiartoqassasoq pilersaarutaavoq, pilersaarutaavorlu ISS-ip sillimmatissaanik assartornissaq.
Avataarsualiartaat Discovery kingulliulluni avataarsualiassaaq, tamannalu septembarimi pissalluni. USA-p avataarsualiartitsisarnera 1981-imi aallartittoq taamaalilluni unissaaq.
Ruslandip Sojus-rumkapselii kisimik inunnik atortussanillu ISS-imut tassanngaaniillu septembarioreerpat assartuisalissapput.