Avannaata Qimussersuanut ilaasussat ikinnerupput

Avannaata Qimussersua Qasigiannguani arfininngorpat aallartinneqassaaq. Akissaqannginnerli pissutaalluni Avannaata Qimussersuaqarnissaani peqataanngitsoortussat arlaqarput. Avannaata qimussersuani ataqatigiissaarisoq, Ole Madsen, tamanna pillugu ima oqarpoq.

- Qimmeqarfiit tamarmik Avannaata qimussersuanut peqataatinneqarnissaat piviusunngunngitsoorpoq, Avanersuarmiut, Tasiilarmiut Illoqqortoormiormiullu, akissaqannginneq pissutigalugu, uggornaraluartumik peqataasinnaanngimmata. Ole Madsen oqarpoq nangillunilu:

- Ukiuni kingullerni silaannaap allanngoriartornera maluguneqarsimaqaaq, aputeqanngiloorsinnarlutalu qujanartumik apigami, taamaasillunilu Avananata Qimussersua-ni unamminissq iluatsikkiartulerpoq.

Avannaata Qimussersuani ataqatigiissaarisoq, Ole Madsen, taama oqarpoq.

Inuussutissaqarnermut, Nunalerinermut Suliffeqarnermullu Naalakkersuisoq Sivert K. Heilmann Qasigiannguanut ippassaq tikippoq, Avannaata qimussersua malinnaaffigiartorlugu. Taannalu qimussertinneqarlunilu ataatsimiittuni peqataatinneqarpoq.

Bikki Reimer ilanngutassiamik suliarinnippoq.