Avannaata Kommuniani biilit quaannaveeqqutaat peerneqanngikkallassasut
Avannaata kommuniani biilit quaannaveeqquteqartinneqarnerat maajip ulluisa 31-annut sivitsorneqarpoq.
Kalaallit Nunaanni Politiit tusagassiorfinnut taama nalunaarput.
Avannaata Kommuniani silap pissusia pillugu Kalaallit Nunaanni politiit quaannaveeqqutit maajip ulluisa 31-ata tungaanut atorneqarnissaannut aalajangerput.
Avannaata Kommuniani teknikkimut immikkoortortaqarfik isumasiorneqareermat taama aalajangertoqarpoq.
Qeqqata Kommuniani Tasiilamilu quaannaveeqqutit maajip ulluisa 15-ata tungaanut atorneqarnissaat pillugit apriilip ulluisa 30-anni aalajangertoqarpoq.
Qeqqata Kommuniani imaluunniit Tasiilami najugaqaraani biilit quaannaveeqqutaat maajip ulluisa 16-anni peerneqassapput.
Kalaallit Nunaata sinnerani biilit quaannaveeqqutaat maajip aallaqaataanili peerneqareersimassapput.