Avannaata Kommunia nutaamik pisortaanertaassasoq
Avannaata Kommuniani pisortaanerup Sivso Dorphip napparsimalluni sulinngiffeqarnini sivitsorpaa tamatumalu kingorna soraarninngorniarluni. Sermitsiaq.AG taama allaaserisaqarpoq.
Allattoq Jonas Fievé
Nutserisoq Connie Fontain
Kommunip Sivso Dorphimut paarlaasussamik ujaasinerani ineriartortitsinermut ingerlatsivimmi maanna pisortaq, Hans Eriksen atuuffimmi inissisimagallassaaq.
Sermitsiaq.AG-p allaaserisaa naapertorlugu Sivso Dorph Avannaata Kommuniata 2017-imi pilersinneqarneraniilli kommunimi pisortaaninngorpoq, tamatumalu siornatigut Qaasuitsup Kommuniani atuarfeqarnermut, kultureqarnermut sunngiffimmullu ingerlatsivimmi pisortaasimalluni.