UNESCO-p eriagisassatut allattorsimaffiatigut ingerlaartoqarsinnaanera akuersissutigaa

Avannaata kommunia UNESCOP eriagisassanngortitaatigut ingerlaartoqarsinnaanera immikkut akuersissuteqarfigaa

Kommune immikkut ittumik akuersissuteqarpoq, innutaasut arlaqartut qinnuteqareersullu, taakkua aalisarfigineqarluartartumut ingerlasarniarlutik qinnuteqarput.

Korridoren, hvor kommunen giver dispensation til at køre, er den grønne linje. Assi © : Avannaata Kommunia

Qamutteralaat qamussuillu illiniliuutit Ilulissat kangiatigut 2020-mi ukiuunerani ingerlaartoqarsinnaanera akuersissutigineqarput, taakkua qimussinit taamaallaat ingerlaarfigineqaqqusaagaluarput.

Avannaata kommunia immikkut ittumik akuersissuteqarpoq, Ilulissat Kangiatigut motoorilinnik ingerlaartoqarsinaanermik, Ilulissat Kangia UNESCOP eriagisassatut allattorsimaffianut 2004-mili ilanngunneqarpoq.

Kommune immikkut ittumik akuersissuteqarpoq, innutaasut arlaqartut qinnuteqareersullu, taakkua aalisarfigineqarluartartumut ingerlasarniarlutik qinnuteqarput.

Aqqut pineqartoq, illersorniarlugu qimussinit taamaallaat aqqutigineqarsinnaasimavoq maannali tassa qamuteralaat aamma qamussuit illiniliuutit ingerlaarsinnaatitaalerput.

Kommunemit ilisimatitsissutigineqarpoq, aqqutiliap avataatigut ingerlaarneq inerteqqutaasoq, taamatuttaaq nunap naasuinik innarliisinnaasunik saarlilluni sangoriataapiloortoqaqqusaanngitsoq.

Avatangiisinik innarliisumik ajutoortoqarpat mingutsitsinerup siaruaannissaa pinaveersaartinniarlugu iliuuseqartoqapallassaaq, sillimaniarnermilu piareersimasuutitat erngertumik kalerrinneqassapput, kommune taama allappoq.

Aqqutissiamik atuitilluni nunaannarmi atortunik eqqagassanilluunniit qimatsisoqaqqusaanngitsoq kommune taama erseqqissaavoq.

Aqqutissiatigut immikkut akuersissuteqarluni ingerlaartoqarsinnaalerneq 2020-mi januaarip 23-aniit 2020-mi ukiuunerani atuutissaaq. Ingerlaarsinnaanerullu qaqugu unitsinneqarnissaa Avannaata

Kommunianit nalunaarutiginerumaarpoq.

Ilulissat Kangia UNESCOP Kalaallit Nunaanni eriagisassatut allattorsimaffiutaani pingasuut ilagaat.

UNESCOP eriagisassatut allattorsimaffianut ilaanermut siunertaavoq, nunarsuarmi kulturit pinngortitallu innarlerneqarnissaannut illersorniarneqarmata, siunissami kinguaariit nunarsuarmi pinngortitat assissaqanngitsut, kulturikkullu eqqaassutissat nuannaarutigisinnaassammatigit.