Avannaata Kommunia 2022-mi milliardinik isertitaqarnissamik naatsorsuuteqartoq

Avannaata Kommuniani politikerit kommunip aningaasaataanik aappaagumut kaajallatsitsilerput, pitsaasumillu ingerlasoqarneranut akussutissaqarpoq.
- Kommunitta oqaluttuarisaanerani siullerpaamik isertitatigut 1 milliard koruunit qaangerlugit missingersuusiorpugut. Tamatuma takutippaa aningaasaqarnermik ingerlatsinerput ajunngitsoq, borgmesteri Palle Jeremiassen oqarpoq. Assi © : Malik Brøns, KNR
Allattoq Jens Thorin
novembarip 08-at 2021 16:05

Avannaata Kommuniata karsia 2022-p naanerani 46,1 millionit koruuninik sinneqartussaaq.

Kommunip 2022-mi 1,022 milliardinik sinneqartoornissani naatsorsuutigaa.

Kommunip aappaagumut missinngersuutissanik isumaqatigiinniarnerani tamanna killiffiugallartoq, kommuni nittartakkamini allappoq.

- Kommunitta oqaluttuarisaanerani siullerpaamik isertitatigut 1 milliard koruunit qaangerlugit missingersuusiorpugut. Tamatuma takutippaa aningaasaqarnermik ingerlatsinerput ajunngitsoq, borgmesteri Palle Jeremiassen oqarpoq.

Politikkikkut ataatsimiititaliat 2022-mut missingersuutini aningaasat uninngasuutit maanna misissussavai, tamatumalu kingorna pingaarnersiuisoqaqqissalluni.

Ataatsimiititaliat missingersuutit aappassaaneerneqannginneranni aningaasaatiminnik misissueqqinnissaminnut qaammammik ataatsimik piffissalerneqarput.

Aningaasat uninngasuutit kommunip pilersaarutigallagaanit 47,9 millionit koruuninit patajaannerunissaat pilersaarutaavoq.

Aamma atuaruk