Avannaani tatsit biologinit arfiniliusunit aasaq manna julip qaammataani misissuiffigineqalerput.
Silaannaap kiatsikkiartornerata avannaani tatsinut sunniuteqarneri misissorneqassasut, Frederiksborg Amts Avis-i ullumi allaaserisaqarpoq.
Taamatut misissuisarnerit 1997-mili ingerlanneqartalerput, misissunernilu Københavnip universitetia Danmarkimilu avatangiisinut misissuiffik Danmarksmiljøundersøgelser peqataasarput.
Ilisimatuut misissuinermi peqataasussat arfiniliusut, misissuinerminni tatsini uumasut naasullu katersussavaat, tatsillu naqqaniit misissugassanik aamma tigusissallutik. Tatsip naqqani nuna ukiuni 10.000-nik pisoqaassusilik misissorneqassaaq.
Ukiorpassuarni silaannaap qanoq allanngorarsimanera tatsinit katersorneqartuni paasiniarneqassaaq.
Misissuinerni inernerit nunarsuarmi ilisimatuunit atorneqarsinnaassapput, silaannaallu allanngoriartornerata qanoq inissisimanera politikerinit atorfilittanillu ilisimatitsissutaassapput.