Avannaani sikujaarnera Royal Arctic Linie-p ajornartorsiutigisinnaavaa
Avannaani ukioq manna sikujaartorujussuuvoq. Kullorsuup eqqaani siku 30 centimeterinik issussuseqaleerpoq, Uummannap kangerluani 15 centimeteriulluni. Taamaammat Uummannamut pigisaanullu, aamma Upernavimmut nunaqarfiinullu, Royal Arctic Line-p ukioq manna naggataamik umiarsuaqartitsinissaa ajornartorsiutigineqalersinnaavoq.
novembarip 21-at 2009 16:56
- Sikujaarnerata kingunerisinnaavaa, Uummannamut, Upernavimmut taakkulu nunaqarfiinut umiarsuit marluk ukioq manna kingulliit tikinnissaat ajornartorsiutigileripput, Royal Arctic Line ilisimatitsivoq.
Taamaammat Royal Arctic Line-p kiffartuutani kajumissaarpai nioqqutissat nassiunneqarnissaannut tuaviornerpaamik inniminneeqqulugit, kiffartuutanilu annerit toqqaannartumik aamma attaveqarfigereerpai, pissutsit qanoq innerinik ilisimatillugit.
Suliffeqarfissuaq nalunaarpoq, Royal Arctic Line-p, aamma Royal Arctic Line-p nunaqarfinnut Kiffartuussiviata, angalanissat sapinngisamik ingerlatissagaat, immaqali ataasiakkaatigut taamaatitsiinnartariaqartarsinnaassallutik.
