Avannaani qipoqqartassat agguaanneqarput

Qaasuitsup Kommuniata qipportassat marluk, arfanniarneq pillugu ataatsimiititaliarsuup Nunatsinnut qulingiluanik qipoqqartassaseereernerata kingorna, ullumi agguaappai.
Allattoq Elisa Isaksen
aggustip 12-at 2010 15:35

Arfernik angisuunik pisassiisartup, arfanniarneq pillugu ataatsimiititaliarsuup IWC-p juunimi ataatsimiinnermini aalajangiineratigut, qipoqqaat qulingiluat, 1986-ip kingornagut siullermeerluni Nunatsinnut pisassiissutigineqartut, ilaat marluk Qaasuitsup Kommunianut pisassiissutigineqarput.

Qipoqqartassinneqarnissamik qinnuteqaatit aqqanillit, Kangaatsiamit, Aasiannit, Qeqertarsuarmit Ilulissanillu, Qaasuitsup Kommunianut nassiunneqarput.

Borgmester Jess Svane qinnuteqartut aqqaniliusut akornanni ullumi makitsivoq.

Makitsinerup inerneranik qipoqqartassinneqartut tassaapput angallatit "Aalipaaraq" aamma "Nilaq" Ilulissaneersut, ataatsimik qipoqqartassinneqartut, qipoqqaallu aappaanik pisassinneqartut tassaallutik, angallatit "Ninni Nuka" Aasianneersut aamma "Asimio" Kangaatsiameersoq.

Qipoqqaat pisarineqartussat aqagu aggustip 13-ianniit ukiup naanissaata tungaanut piniarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq