Avannaani aasaanerani timersortoqassaaq
Avannarpasinnerpaami Qaanaami aqagu juulip ulluisa arfineq-aappaanni arpaliuttoqassaaq. Nunaqarfinneersullu arsaallutik Aasianni sapaatip akunnera naallugu unammiuaassapput.
Meeqqattaaq Ilulissani timersortinneqassapput. Meeqqat quliniit 14-inut ukiullit timersortarfimmi sapaatip akunnerani uani arsarnermik ilinniartinneqassapput. Qaammatillu uuma ingerlanerani illoqarfimmi meeqqat inersimasullu arsaannermik pissartanngorniuunnerit aallartissavaat.
Qasigiannguani aasap naalernerani ukiumoortumik arpaliunneq, taaguuserneqarsimasoq Kulunnguaq, ingerlanneqassaaq.
Ilulissani meeqqanut arsarnermik sapaatip akunnerani uani ilinniartitsineq Qaasuitsup Kommunianit ilaatigut tapiiffigineqarpoq, kommuni nittartakkamini taama allaaserisaqarpoq.