Frimærkit marluk saqqummersinneqartussat taakku eqqumiitsuliortup Aka Høeghip qalipatarai.
Sinerissammi imarlu tassaapput Nunat Avannarliit avissaarutaat, imminnullu atatitsisui.
Imilertakkamik qalipagai kusanaqisut Kalaallit Nunaanni immamut sikumullu isikkivimmik takutitsipput: Sineriammik asseq, aamma umiarsualivimmik asseq.
Qalipaasup pingaartinnerullugu takutinniarpaa Kujataani asasamini aasami isikkivik sikorsuarasaartoq.
Frimærkini, umiarsualivimmik takutitsisumi, umiarsuup usiisa, nunamilu sanaartornitta, imminnut atanerat malugineqarsinnaavoq.
Frimærkit, nunani Avannarlerni arfineq-pingasuni allakkeriviit peqatigiillutik mappinngorlugu saqqummersitassaannut qulequtalimmut "Top of the World of Stamps", ullumimiit pisiarineqarsinnaanngussapput.