Avannaa aviiseerartaalerpoq

Tamanut Avannarleq – tassa taama taaguuteqassaaq Nuuk Reklame A/S-ip maannakkut Tamanut – Nuuk Ugeavis-imik saqqummersitsisareersup, avannaani aviiseeraq saqqummersittagassaa.Taama KNR-imut oqaluttuarpoq SermitsiaqAG-mi aaqqissuisoq Poul Krarup.
oktobarip 23-at 2012 11:57

Poul Krarup-ip oqarnera naapertorlugu aviiseraq avannaani saqqummersinneqartalersussaq namminersorlutik suliffiuteqartunit tapersersorluarneqarpoq.

- Namminersorlutik suliffiuteqartut suliffeqarfiillu pisortanit ingerlanneqartut atuisartuminnut saaffiginninnissaminnut ullumikkornit periarfissagissaarnerulissapput, Poul Krarup KNR-imut oqarpoq.

Nuuk Lokalreklame A/S-ip aviiseeraq avannaani illoqarfinnut nunaqarfinnullu tamanut siammartertarusuppaa.

- Siammartertarnissaanut aaqqissuussineq iluatsilerpoq, namminersorlutik ingerlataqartut siammarterinermut aamma ikiuuttarniarput, Poul Krarup oqarpoq.

Tamanut Avannarleq maannamuugallartoq sapaatip akunnera allortarlugu saqqummersarniarpoq.

Aviiseeraq 4.000-inngorlugu naqinneqartarallassaaq, pilersitsisulli pisariaqartitsineq annertunerussappat naqitat amerlinissaannut piareersimanerarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq