Avanersuarmi qimussimik aaffanniarneq ajornarsisimaqaaq
Ukiut sisamat matuma siorna kingullermik sikup sinaani aaffattoqarsimavoq.
Allattoq Elisa Isaksen
septembarip 06-at 2007 08:31
Silap allanngoriartornera, ilisimatuussutsikkut aamma misissuiffigineqalereersimalerpoq.
Qaanaami piniartoq Rasmus Avike Radioavisimut oqaluttuarpoq, sikusartutoqqat sikussaarsimanerat pissutigalugu qimussimik aaffanniarneq ajornarsisimaqisoq. – Ukiut pingasut sisamat matuma siorna sikup sinaani affanniarneq ingerlapparput, Rasmus Avike oqarpoq. Rasmus Avike oqarpoq 90-sikkunni sikusartorujussuusimasoq allaallu ullut pingasut sisamat qimusseqqaarluni sikup sinaa tikinneqarsinnaasarsimasoq. – Ullumikkut tamanna oqaluttuaannanngornikuuvoq imaq kissatsinnikuummat qangatullu qasilittumik ississaarnikuulluni, Rasmus Avike oqarpoq. Rasmus Avike aamma oqarpoq ukiut sisamat matuma siorna kingullermik sikup sinaani aaffattoqarsimasoq.
