Avammut tunisat avataaniillu pisiortukkat siornamiit ikileriarput
Avammut tunisat ikileriaataat 22,4 procentinut naatsorsorneqarpoq. Raajanik saarullinnillu avammut tunisassiorneq niunernermut kisitsisitigut paasissutissatigut malugineqartoq tassani pingaartumik annikilleriarsimavoq. Raajat avammut tunisassiat 213 millionit koruuninik ikileriaateqarput, saarulliillu 122 millionit koruuninik. Ikileriaatit tulaassat ikinnerunerannik akikinnerunerannillu pissuteqarput.
Avataaniit pisiortukkat siorna 17 procentinik ikileriarput, tassa 2,5 milliardit koruuniniit 1,9 milliardit koruuninut. Tassani pingaartumik uuliamit tunisassiat akikinnerunerat uuliamillu atuinikinneq ilaatigut pissutaaqataapput.
Niueqaterput tassaajuarsinnarpoq EU, avammut tunisassiatta 92,5 procentii taassuma pisiarisarmagit, peqatigisaanilli nioqqutissaatitta 90,4 procentii EU-miit pisiarissarlugit.