Inuussutissarsiutit

Polar Seafood: Avaleraasartooqartillugu tamaaniiginnassaagut

Polar Seafood, kilisaatit atorlugit Tunumi avaleraasartoorniaqataasoq, isumaqarpoq ukioq manna avaleraasartoorniarneq ajorisassaannaanngitsoq.
Allattoq Mads Lynge
aggustip 26-at 2015 07:44

Avaleraasartooqartillugu tamaaniiginnassaagut, Polar Seafoodip pisortaa Anders Brøns Atuagagdliutinut ullumi saqqummersunut taama oqarpoq.

Tunumi imartat siornamut naleqqiullugu ukioq manna nillernerunerat ilaatigut pissutaalluni avaleraasartuut pisarineqartut siornamut naleqqiullugu affaannaapput. Pisarineqartartullu taamaaginnassappata Nunatta karsiata isertitassai ikinnerussapput:

- Siusinnerusukkut aalisalernissarput neriuutigisimagaluarparput. Piffissarli aalisarfik suli naanngilaq, Anders Brøns Atuagagdliutinut taama oqarpoq.

AAMMA ATUARUK Avaleraasartoortarineqartut suli naammaannartut

Polar Seafoodip kilisaataatai pingasut avaleraasartuunik katillugit 12.000 tonsinik pisassinneqarnikuupput, pisallu ikiliartornerat suli malugisimanngikkitsik Anders Brønsip oqaatigaa:

- Umiarsuit tamarmik sapaatip-akunnerata siuliani pingasunngornermi 100 tonsit sinnerujussuarlugit pisaqarsimapput, Polar Seafoodip pisortaa oqarpoq, nangillunilu:

- Ullormut 100 tonsinik pisaqarneq pitsaalluartuuvoq. Pisassavut tamakkersinnaanerivut apeqqutitsialaavoq, tamanna oqaatigissallugu siusippallaaqaaq. Avaleraasartooqartillugu aalisartuassaagut, Anders Brøns oqarpoq.

Aamma atuaruk